DataFrame Seçimləri və Filtrləmə

Bu dərsdə Pandas DataFrame-də sütun və sətir seçməyi, loc və iloc istifadə etməyi, şərtə əsasən filterləmə aparmağı və bir neçə şərti birlikdə tətbiq etməyi öyrənəcəyik. ## Dərsin məqsədi Bu dərsdə Pandas DataFrame-də seçim və filterləmə əməliyyatlarını öyrənəcəyik. Əvvəlki dərsdə Pandas ilə CSV, Excel və JSON fayllarını oxumağı gördük. Faylı oxuduqdan sonra data DataFrame formasında Python mühitinə gəlir. Amma data oxumaq yalnız başlanğıcdır. Real analizdə biz adətən bütün dataya eyni anda baxmırıq. Çox vaxt bizə konkret sütunlar, konkret sətirlər və ya müəyyən şərtə uyğun məlumatlar lazım olur.