Merge, Join və Concatenate

Bu dərsdə Pandas-da birdən çox DataFrame ilə işləməyi öyrənəcəyik. merge(), join() və concat() vasitəsilə fərqli dataset-ləri birləşdirməyi, key column məntiqini, inner, left, right və outer join fərqlərini praktiki nümunələrlə başa düşəcəyik. ## Dərsin məqsədi Bu dərsdə Pandas-da birdən çox DataFrame-i birləşdirməyi öyrənəcəyik. Əvvəlki dərslərdə biz əsasən bir DataFrame üzərində işlədik. Data oxuduq, filter etdik, təmizlədik, yeni sütunlar yaratdıq və groupby ilə xülasə nəticələr çıxardıq. Amma real data analitikada məlumat çox vaxt bir faylda olmur. Məsələn, satış məlumatı bir faylda ola bilər, məhsul məlumatı başqa faylda, müştəri məlumatı isə üçüncü faylda ola bilər.